Privatlívspolitikkur

Dagført tann: 10.11.2025

GoFøroyar ("vit", "okkara" ella "okkum") tekur vernd av tínum persónsupplýsingum í størsta álvara og fylgir reglugerðini um dátuvernd (GDPR) og øðrum viðkomandi dátuverndarlógum í Evropeiska Samveldinum. Hesin politikkur greiðir frá, hvussu vit savna, nýta og verja tínar persónsupplýsingar, tá tú samskiftir við okkara heimasíðu ella tænastur.

1. Hvør eru vit

GoFøroyar er ein bilaleigufyritøka staðsett í Føroyum.
Heimasíðuadressan er: https://goforoyar.fo
Tú kanst seta teg í samband við okkum á: info@goforoyar.fo

2. Hvørjar persónsupplýsingar savna vit

Vit brúka ikki cookies ella sporandi tøkni á okkara heimasíðu.

Vit savna bert tær upplýsingar, tú sjálvboðin gevur okkum, so sum:

• Navn
• Teldupost
• Telefonnummar
• Leiguupplýsingar (t.d. dato, bilsløg, avheinting/avlevering)
• Gjaldsupplýsingar (viðgjørdar trygt gjøgnum triðjaparts veitara)

3. Hví savna vit tínar upplýsingar

Vit savna og viðgera tínar upplýsingar fyri hesi endamál:

• At umsita og vátta tína bilaleigu
• At svara fyrispurningum ella umbønum
• At lúka lógarásettar skyldur (t.d. bókhald, trygging, ferðslulóg)

4. Lógargrundarlag fyri viðgerð

Vit viðgera tínar upplýsingar grundað á:

• Sáttmálaliga skyldu: fyri at uppfylla leiguavtaluna
• Lógarlig skyldu: fyri at lúka reglur og krøv
• Lóglig áhugamál: fyri at reka og betra um tænasturnar
• Samtykki: tá tú gevur greitt loyvi (t.d. til tíðindabrøv)

5. Deiling og flyting av upplýsingum

Vit selja ella deila ikki tínar upplýsingar við triðjapartar til marknaðarføring.

Vit kunnu deila upplýsingar við:

• Gjaldsveitarar
• Tryggingarfeløg
• Myndugleikar (um kravt sambært lóg)

Allar dátuflytingar verða gjørdar trygt og í samsvari við GDPR.

6. Goymsla av upplýsingum

Vit goyma tínar upplýsingar bert so leingi sum neyðugt:

• Til leigu- og lógarendamál (vanliga upp til 7 ár)
• Til kundatænastu og møguligar tvístøður

Tú kanst biðja um at fáa tínar upplýsingar strikaðar, treytað av lógarligum skyldum.

7. Tín rættindi sambært GDPR

Tú hevur rætt til at:

• Fáa atgongd til tínar upplýsingar
• Rætta skeivar upplýsingar
• Biðja um striking ("rætturin at verða gloymdur")
• Avmarka ella mótmæla viðgerð
• Flyta upplýsingar (fáa tær í skipaðum formati)
• Afturtaka samtykki (har tað er galdandi)

Fyri at brúka hesi rættindi, set teg í samband við okkum á info@goforoyar.fo

8. Dátutrygd

Vit seta í verk hóskandi tøknilig og skipað tiltøk fyri at verja tínar upplýsingar móti óheimilaðari atgongd, missi ella misnýtslu.

9. Broytingar í hesum politikkinum

Vit kunnu dagføra henda privatlívspolitikk við jøvnum millumbili.
Allar broytingar verða lagdar út á hesa síðu við dagførdari galdandi dagfesting.

Handilstreytir

Dagfesting: 10. november 2025

1. Inngangur

GoFøroyar er ein føroyskur bilaleigupallur, sum bindur saman privat og vinnulig fólk, ið vilja leiga ella leiga út bilar.
Við at brúka pallin góðtekur tú hesi skjalafestu treytir, sum stýra allari nýtslu av GoFøroyar.

2. Nýtsluskipan

• Pallurin kann brúkast til leigu av bílum millum einstaklingar og fyritøkur.
• GoFøroyar er ein miðlari og er ikki sjálvur eigari av bilunum.
• Brúkarar mugu geva sannar upplýsingar.
• GoFøroyar kann steðga ella strika kontur, um reglur verða brotnar.

3. Prísir og gjaldstreytir

• Útleigarin setur sjálvur prísin fyri bilin.
• GoFøroyar tekur 20% í pallsgjald av hvørjari leigu.
• Restin (80%) fer beinleiðis til útleigaran.
• Gjald fer fram gjøgnum tryggan gjaldsmátt.
• Útleigarin fær peningin útgoldnan innan 3–5 arbeiðsdagar eftir lokna leigu.

4. Avlýsingar og afturberingar

• Leigari kann avlýsa ókeypis innan 24 tímar áðrenn leigan byrjar.
• Avlýsing minni enn 24 tímar áðrenn: útleigarin fær 50% av leigugjaldinum.
• Um leigarin ikki møtir upp: útleigarin fær 100% av leigugjaldinum.
• Um bilurin ikki er tøkur ella ikki leveraður: leigarin fær fulla afturbering.

5. Trygd og ábyrgd

• GoFøroyar leggur dent á trygd og álít.
• Útleigarar skulu leggja inn myndir av bilinum, trygging og sýnsgóðkenning.
• Leigarar skulu vátta seg við koyrikorti ella passi.
• GoFøroyar tekur ikki ábyrgd fyri skaða millum leigara og útleigara, men kann hjálpa við samskifti.
• Allir brúkarar nýta pallin á egnari ábyrgd.
• GoFøroyar ábyrgdast ikki fyri møguligum missi ella skaða á bilum.

6. Privatlívspolitikkur (GDPR)

GoFøroyar savnar og viðger bert tær persónsupplýsingar, sum eru neyðugar fyri at tryggja trygga og skilagóða tænastu.

Hetta fevnir m.a. um:

• Navn, telefonnummar og teldupost
• Koyrikort ella pass (til váttan av leigara)
• Upplýsingar um bil (mynd, trygging, og váttan um sýnsgóðkenning)
• Gjald fer fram gjøgnum tryggan gjaldsveitara. GoFøroyar hevur ongantíð atgongd til ella goymir kortnummur ella onnur gjaldsdata.

Trygd og gagnnýtsla:

• Allar upplýsingar verða goymdar trygt og bert nýttar til endamál, sum hava við leigu og váttan at gera.
• Upplýsingar verða ikki latnar triðjaparti uttan samtykki.
• Brúkarar kunnu til eina og hvørja tíð biðja um at fáa síni data strikað ella rættað við at venda sær til info@goforoyar.fo.

7. Brúkarastuðul / Kontakt

Um tú hevur spurningar ella tørv á hjálp, kanst tú seta teg í samband við okkum:
📧 T-post: info@goforoyar.fo
📞 Telefon: 585758
🌐 Heimasíða: www.goforoyar.fo

8. Broytingar í treytum

GoFøroyar kann dagføra hesi treytir eftir tørvi.
Nýggjastu treytir verða altíð tøk á heimasíðuni.

9. Lógargrundarlag

Allar tvístøður verða viðgjørdar sambært føroyskum lógum og rættarstøðum.

• Hevur tú longu eina privattrygging, kanst tú víðka hana, so hon eisini fevnir um útleigu.
• Tað er ómakaleyst, og tú skalt ikki fáa til vega eitt V-tal.

• Eigaran/leigaran (tryggingartakaran).
• Øll, sum koyra bilin við loyvi frá eigaranum/leigaranum.
• Øll ferðafólk, sum eru í bilinum.

• Bilar, sum verða brúktir til útleigu, fáa vanliga fleiri skaðar enn privatnýttir bilar. Tí er tað týdningarmikið at tryggja seg rætt.
• Tryggingin skal altíð vera gjørd áðrenn útleigan byrjar.
• Ábyrdatrygging er altíð galdandi og fevnir um hvørjum skaða, sum hendir á bilinum.
• Reglur fyri útleigarar

1. Trygging skal vera í lagi
   Bilurin skal hava galdandi trygging, sum fevnir um útleigu. Tað er tín ábyrgd at víðka privattryggingina ella fáa hóskandi trygging, áðrenn bilin verður lagdur út.
2. Bilurin skal vera í góðum standi
   Hann skal vera lógligur at koyra við, hava góðkenda kanning og vera reinsaður/haldiligur, tá hann verður útleigaður.
3. Bilar eldri enn 5 ár
   Um bilurin er eldri enn 5 ár, skalt tú vísa, at hann hevur verið til sýn. Hetta kanst tú gera við at taka eitt screenshot av síðsta sýni og leggja tað upp á tín vanga.
4. Rættar upplýsingar
   Allar upplýsingar um bilin (modell, árgang, km-tal, brennievni o.s.fr.) skulu vera sannførandi og rættar.
5. Myndir áðrenn og aftaná
   Tú skalt taka myndir av bilinum bæði áðrenn og aftaná útleigan, so til ber at prógva, um skaði er hendur ella ikki.
6. Ábyrgd fyri skaða
   Sum útleigari hevur tú ábyrgd fyri at boða frá til tryggingarfelagið, um ein skaði hendir. GoFøroyar er ein pallur og kann ikki átaka sær ábyrgd fyri møguligar skaðar. Trygd
7. Sjálvsábyrgd og depositum
   • Um skaði hendir, er sjálvsábyrgdin 6.000 kr.
   • Hetta verður fryst sum depositum frá leigaranum, tá bíleggingin verður gjørd.
   • Tað er leigarin, sum stendur fyri at gjalda sjálvsábyrgdina til tryggingarfelagið, um skaði hendir.
8. Greið samskifti
   Tú skalt vera til reiðar at svara leigarum skjótt og vísa fleksibilitet, so upplivingin verður góð fyri báðar partar.